L-ewwel u l-uniku stazzjon soċjo-reliġjuż f'Malta

Skeda UTV

Ara l-iskeda ta' programmi varjati li joffri l-UTV għas-segwaċi tiegħu.

black remote control on brown wooden table

UTV On Demand

Erġa segwi programmi li ixxandru esklussivament fuq il-UTV permezz tal-Youtube channel tagħna.

Skeda

Video On Demand

Dwar il-UTV

F’Jannar tas-sena 2024, il-Fondazzjoni U ngħatat il-liċenzja mill-Awtorità tax-Xandir biex tibda xxandar 24 siegħa kuljum permezz tal-istazzjon soċjo-reliġjuż UTV fuq il-frekwenza 111 ta’ GO u MELITA.

Minn dak iż-żmien UTV żamm l-appuntament tiegħu mat-telespettaturi bi skeda regolari ta’ programmi b’tema soċjo-reliġjuża, kif titlob il-liċenzja tiegħu, u llum kiber fil-popolarità u għandu udjenza regolari numeruża. Tant hu hekk li fis-surveys tal-Awtorità tax-Xandir dejjem jirnexxilu jissupera l-udjenzi tal-istazzjonijiet l-oħra żgħar privati. Tragward li kisbu wara biss tliet xhur minn meta beda jxandar.

Għal diversi ħinijiet l-istazzjon iwassal xandiriet reliġjużi bħal quddies mis-Santwarju tal-Madonna Ta’ Pinu f’Għawdex u minn knejjes oħra, rużarju, aħbarijiet tal-ġurnata u avviżi komunitarji, ħsieb għal kuljum, Kurunella tal-Ħniena Divina u servizz bla ħlas lit-telespettaturi għal min jixtiequ jitolbu u avviżi ta’ mwiet ta’ persuni għeżież għalihom.

UTV illum huwa stabbilit ukoll bħala l-istazzjon tal-festi għax huwa l-uniku stazzjon f’Malta li jxandar simultanjament il-festi kollha fil-bliet u rħula Maltin u Għawdxin li jkunu ċelebrati l-aktar matul l-istaġun tas-sajf.

L-istazzjon ixandar ukoll regolarment il-maratoni IL-MISSJONI BŻONNOK li l-Fondazzjoni U torganizza tliet darbiet f’sena b’risq missjunarji Maltin u Għawdxin li jaħdmu f’pajjiżi tal-missjoni.